Visie & Missie

Visie

Om deur kwaliteit onderrig en opvoeding die akademiese, fisiese, sosiale, geestelike en kulturele potensiaal van elke leerder maksimaal te ontwikkel.

Missie

  • Ons sien ‘n skool met ‘n christelike karakter wat volgens effektiewe besigheidsbeginsels bestuur word.
  • Die selfbeeld van elke leerder sal positief ontwikkel word d.m.v. uitnodigende onderwys om elke leerling te laat glo en voel dat hy/sy bekwaam, waardevol en verantwoordelik is.
  • Die leerders sal deur die voorbeeld van toegewyde, Christenonderwysers gelei en onderrig word om gesonde sosiale verhoudings te ontwikkel en te handhaaf wat hom/haar aanvaarbaar in die gemeenskap sal maak.
  • Die leerders sal deur die aanvaarding van gesag en dissipline in die skool, tuis en in die gemeenskap gelei word tot selfdissipline.
  • Die leerders sal aangespoor word tot ‘n positiewe gesindheid en ingesteldheid teenoor sy/haar skool en skoolwerk.
  • ‘n Trots sal by elke leerder gekweek en ingeskerp word vir die land en skool se simbole, sy taal en kultuur.
  • Deur middel van doeltreffende onderwys sal elke onderwyser help om die effektiwiteit van die skool te verhoog.
  • Daar sal voortdurend gestrewe word na groter skakeling met die ouergemeenskap ten einde die ouer-onderwyserverhouding tot voordeel van die kind te verbeter.
  • Die ouers sal bewus gemaak word daarvan dat die opvoeding en dissiplinering van kinders in die eerste plek die ouer se verantwoordelikheid is.
  • Daar sal voortdurend gestrewe word om by ouers, leerlinge en onderwysers ‘n positiewe gesindheid te kweek t.o.v. hul toekomsverwagtinge.

Leerders se visie

IN LAERSKOOL PARK SAL ELKE LEERDER:

  • P – Persoonlike trots ontwikkel.
  • A – Aanspreeklikheid en verantwoordelikheid aanvaar vir dade en optrede.
  • R – Respek vir myself, ouers, onderwyser en maats hê.
  • K– Kind van Christus wees.
  • I – Ingestel wees om elke geleentheid te gebruik.
  • E – Eerlik wees.

Visie vir die personeel van Laerskool Park

Ek wil my leerlinge leer om:

  • wanneer die mense van die wêreld sit, moet hulle staan.
  • wanneer die mense van die wêreld staan, moet hulle uitstaan.
  • wanneer die mense van die wêreld uitstaan, moet hulle uitstaande wees.
  • wanneer die meeste mense van die wêreld uitstaande probeer wees, moet hulle die standaard wees.

Park se slagspreuk: "Waar elke kind kosbaar is"