Vanuit die Skipperkajuit
Baie welkom by Laerskool Park – die 100% skool!
Laerskool Park is ‘n trotse Afrikaanse, waardegedrewe skool in die pragtige Mosselbaai. By ons skool kry elke kind die geleentheid om sy/haar Godgegewe gawes ten volle te ontwikkel en uit te leef. Ons streef daarna om ons gemeenskaplike waardes van respek, betroubaarheid, verantwoordelikheid, regverdigheid, omgee en volharding voortdurend te ontwikkel en uit te leef.
Laerskool Park bied ‘n wye verskeidenheid akademiese-, sport-, kultuur- en sosiale geleenthede vir ons leerders. Ons stel positiewe verhoudings en samewerking hoog op prys. Hier by Parkies poog alle betrokkenes om altyd 100% vir hulleself en hul skool te gee. Vandaar ons slagspreuk –
100% Parkies!
Ons visie is om die toonaangewende skool in die streek – op alle gebiede te wees. Daarom word daar eerstens gefokus op hoë-kwaliteit onderrig en opvoeding. Verder is die aanbied van ‘n uitgebreide buitemuurse program vir ons baie belangrik. Binne die uitdagende tye waarin ons ons bevind, streef ons daarna om aanpasbaar te wees en kreatief en innoverend te werk te gaan rakende die akademiese sowel as die buitemuurse program, sodat elke leerder in totaliteit kan ontwikkel.
Laerskool Park is bekend as ‘n skool van uitnemendheid en word met reg gereken as een van die allerbestes in die Suid-Kaap.
Skoolhoof
Dr. André Smith
Laerskool Park: Trots – Tradisieryk – Toonaangewend – Toekomsgerig
Ons visie
‘n Tradisieryke en waardegedrewe skool wat op alle terreine toonaangewend is, gedryf deur die strewe na uitnemendheid, inklusiwiteit en innovasie.
Ons Missie
Ons missie is dat elke ouer, leerder en personeellid deel sal wees van ‘n hegte band, gesmee deur wedersydse lojaliteit, vertroue en liefde. Verder bied ons lewensruimte, geleenthede, kennis en geleerdheid binne gemeenskaplike waardes en norme.
Ten einde die skool se missie en visie te bereik, sal die volgende aspekte bevorder word:
- Onderlinge respek tussen leerders
- Onderlinge respek tussen opvoeders
- Respek teenoor opvoeders en alle volwassenes
- Respek vir eie eiendom, eiendom van die skool, asook ander se eiendom
- Respek vir die omgewing
- Respek vir en verdraagsaamheid teenoor alle landsburgers se taal, kultuur en geloof
- Gehoorsaamheid aan die skoolreëls en landswette.
