Trots op ons Sport

By Laerskool Park streef ons daarna om ‘n omgewing te skep waar elke leerder ‘n sportsoort kan vind waarin hulle hul passie en potensiaal kan uitleef!

Atletiek

Ons atletiekprogram is gerig op massadeelname en die ontdekking van talent. Leerders word aan verskeie dissiplines soos hardloop, spronge en worpe blootgestel. Atletiek help met die ontwikkeling van ‘n gesonde mededingingsgees en bied die geleentheid om fisiese en geestelike energie positief te benut.

Rugby

Rugby speel ‘n belangrike rol in die fisiese en emosionele ontwikkeling van ons leerders. Ons fokus op basiese vaardighede, spelstrategieë en ‘n liefde vir die sport. Deur ‘n sterk afrigterskorps en ouerbetrokkenheid skep ons ‘n positiewe en ondersteunende rugbykultuur waar elke speler die kans kry om in wedstryde deel te neem en persoonlik te groei.

Netbal

Netbal by Laerskool Park dra by tot die holistiese ontwikkeling van ons dogters deur fiksheid, balvaardighede, hand-oog koördinasie en liggaamsbeheer te bevorder. Ons spanne neem gereeld aan liga-wedstryde en toernooie deel. Park se afrigters is goed opgelei en bied kwaliteitsafrigting om spelers optimaal voor te berei vir kompetisie.

Hokkie

Hokkie is ‘n gewilde sport vir beide seuns en dogters, met mini-hokkie vanaf O/7 en senior hokkie vir o.11 en o.13. Ons spelers neem deel aan feestoernooie en ligawedstryde en oefen gereeld onder bekwame afrigters. Ons doelwit is om leerders se tegniese vaardighede te verbeter en ‘n liefde vir die sport te kweek.

Tennis

Tennis is ‘n somersport waar spelers van alle vaardigheidsvlakke kan deelneem. Ons bied afrigting vir beide juniors (Rooibal en Oranjebal) en seniors (O/11 en O/14). Leerders neem deel aan ligawedstryde, vriendskaplike wedstryde en ‘n verskeidenheid van toernooie. Privaatafrigting is ook beskikbaar vir spelers wat hul spel wil verbeter.

Krieket

Krieket is ‘n passievolle sport by Laerskool Park, waar ons leerders van mini-krieket (O/7 – O/9) tot senior krieket (O/11 en O/13) ondersteun. Ons fokus op basiese en gevorderde tegnieke soos kolfwerk, boulwerk en veldwerk. Deurlopende afrigting en wedstryde dra by tot goeie vaardigheidsontwikkeling.

Swem

Ons is trots op ons 25-meter swembad, waar leerders van alle vlakke afrigting ontvang. Swem vind plaas in die eerste en vierde kwartaal en bied oefeninge vir beginners, gevorderdes en ons skoolspan. Deelname aan gala’s, insluitend die interhuisgala en Eden Galas, word aangemoedig. Privaatafrigting is beskikbaar vir leerders wat hul tegniek verder wil ontwikkel.

Skaak

Skaak is ‘n intellektuele sport wat help om kritiese denke, konsentrasie en probleemoplossingsvaardighede te ontwikkel. Gereelde oefensessies help spelers om hul spel te verbeter en selfvertroue op te bou. Skaak moedig geduld, analitiese denke en kreatiwiteit aan, wat tot akademiese prestasie bydra.